VOV4.Êđê- Tlam mbruê 25/5, ti Hà Nội, Êpul mă bruă mrô 5 mơ̆ng Anôk bruă gĭt gai gưl dlông kơ hdră gang mkhư̆ klei ƀơ̆ng ngăn mâo Nguyễn Hoà Bình, Khua hlăm Phŭn bruă kđi čar, Khua hlăm bruă Đảng, Khua Sang phat kđi yang ƀuôn gưl dlông, Khua Anôk bruă gĭt gai ngă khua êpul mâo leh mmông mă bruă hŏng phung khua bruă Đảng Phŭn bruă lŏ hma leh anăn mđĭ kyar krĭng ƀuôn sang hlue si Hdră kčah mrô 18 mơ̆ng Anôk bruă gĭt gai.

Blŭ hrăm hlăm mmông mă bruă, Nguyễn Hoà Bình mtă kơ Anôk dlăng bruă Đảng Phŭn bruă lŏ hma leh anăn Mđĭ kyar krĭng ƀuôn sang mprăp hră mơar, boh phŭn hâo hưn, hlak mblang hlue si klei čiăng mơ̆ng Êpul mă bruă. Mơ̆ng gưl ksiêm dlăng dưi lač kơ klei dưi ngă, klei kƀah čiăng msir mgaih, kčŭt hưn klei ngă soh hlăm bruă klam mơ̆ng Phŭn bruă lŏ hma leh anăn Mđĭ kyar krĭng ƀuôn sang, mơ̆ng klei anăn kčĕ, akâo kơ Phŭn bruă kđi čar, Anôk bruă gĭt gai dŭm hdră msir čiăng msir mgaih hlăm kluôm ala hlăm wưng kơ anăp./.

                                               Pô mblang: H’Zawut Ƀuôn Yă