VOV4.Êđê- Aguah 30/5, Êpul ksiêm dlăng mrô 4 mơ̆ng Dhar bruă gĭt gai gưl dlông kơ hdră gang mkhư̆ klei ƀơ̆ng ngăn mâo mmông mă bruă hŏng Anôk dlăng bruă Đảng čar Gia Lai. Hưn hŏng Êpul ksiêm dlăng, Rah Lah Chung- K’iăng Khua dlăng bruă Đảng čar, Khua dlăng bruă knuă hlăm bruă Đảng čar Gia Lai brei thâo, mơ̆ng hruê 16/5/2013, leh Anôk dlăng bruă knuă hlăm bruă Đảng čar Gia Lai dưi mkŏ mjing, hdră gang mkhư̆ klei ƀơ̆ng ngăn ti čar dưi mđĭ ktang, dưi mâo klei tŭ dưn yuôm bhăn.

Mơ̆ng anăn, ƀuah mkra 2 čô đảng viên, hrui mă êbeh 1 êklai 3 êklăk prăk ngă soh, ba kơ prăk knŭk kna; mkŏ mjing ksiêm dlăng êbeh 570 gưl klei hŏng dŭm êpul bruă đảng leh anăn 1500 gưl čô đảng viên; ksiêm dlăng leh mâo klei ngă soh hŏng 3 đảng viên. Hlăm mmông mă bruă, Êpul ksiêm dlăng mrô 4 Anôk bruă gĭt gai gưl dlông kơ hdră gang mkhư̆ klei ƀơ̆ng ngăn hưn mdah leh hdră ksiêm dlăng hŏng dŭm bruă čar hưn mdah. Mĭn tĭng wưng ksiêm dlăng mkŏ mjing mơ̆ng hruê 6/6 truh 9/6/2022.

                                               Pô mblang: H’Zawut Ƀuôn Yă