Ti anôk bi kƀĭn tal 14 leh êgao, Anôk kriê dlăng bruă Đảng gưl dlônbg brei leh klei blŭ kơ hdră knuă druh păn ngă bruă mâo: Kơiăng khua Anôk bruă kƀĭn ala gưl XV lehanăn Khua sang phat kđi yang ƀuôn gưl dlông wưng thŭn 2021 – 2026 čiăng kơ Phŭn bruă kđi čdar hưn mthâo ti Klei bi kƀĭn tal 10, Anôk bruă kƀĭn ala gưl XV ruah hluê si klei kčah mtrŭn.

Hluê hdră, Khua sang phat kđi yang ƀuôn gưl dlông leh ruah srăng ngă knăm ƀuăn rơ̆ng đĭ păn bruă anăp Anôk bruă kƀĭn ala lehanăn mta phŭn anei dưi mđung asăp, mđung rup ti mmông anăn mtam čiăng kơ mnuih ƀuôn sang tui dlăng. Tlam hruê anăn, Anôk bruă kƀĭn ala bi trông ti Sang bi kƀĭn prŏng kơ dua klei čih mkra Hdră bhiăn Ênoh mnuih lehanăn Hdră bhiăn gang mkhư̆ klei ruă tưp. Khua phŭn bruă mdrao mgŭn srăng hlak mblang, bi mklă dŭm mta mâo phung bi ala dôk mđing. Hluê hdră mă bruă hlăm hruê kăm anei, Anôk bruă kƀĭn ala srăng bi mklă Hdră mtrŭn kơ Hdră kčah mđĭ kyar bruă duh mkra – ala ƀuôn thŭn 2026, Hdră mtrŭn klei đăo tĭng ngăn prăk knŭk kna thŭn 2026; Hdră mtrŭn mkăp ngăn prăk gưl dlông thŭn 2026./.