Anôk bruă kƀĭn ala bi trông kơ Klei čih mkra Hdră bhiăn gang mkhư̆, bi kdơ̆ng hŏng klei tlĕ čhĭ mnuih (mkra mlih)
Thứ ba, 08:52, 25/06/2024
VOV Tây Nguyên
VOV Tây Nguyên
VOV4.Êđê- Aguah 24/6, bi trông ti Sang bi kƀĭn kơ Klei čih mkra Hdră bhiăn gang mkhư̆, bi kdơ̆ng hŏng klei tlĕ čhĭ mnuih (mkra mlih), lu phung bi ala Anôk bruă kƀĭn ala tŭ ư hŏng bruă mkra mlih kluôm hŏng Hdră bhiăn gang mkhư̆, bi kdơ̆ng hŏng klei tlĕ čhĭ mnuih mbĭt anăn thiăm mbŏ dŭm mta mrâo jing tlĕ čhĭ hđeh điêt, anak ĭ hlăm klei čih mkra hdră bhiăn anei.
Lu phung bi ala Anôk bruă kƀĭn ala bi mklă, tlă čhĭ mnuih mâo Êpul hgŭm lu ala čar bi mklă jing sa hlăm 4 klei ngă soh jhat êdi. Hlăm wưng êgao, klei tlĕ čhĭ mnuih ăt mâo dleh dưi ksiêm dlăng hlăm tar rŏng lăn, hŏng lu mnêč hgăm, ba lu klei truh jhat.
Klei mrâo mâo jing čhĭ anak ĭ hlăm tian amĭ, phung bi ala lač, anei jing bruă ngă soh jhat lehanăn huĭ hyưt êdi, soh hŏng knhuah hdĭp, klei bhiăn mơ̆ng djuê ana, hdră bhiăn mơ̆ng Việt Nam ară anei ka mâo klei kčah mtrŭn klă klơ̆ng kơ bruă anei. Kyua anăn, brei bi mklă thiăm jing bruă ngă soh jhat hlăm boh klei anei./.
Viết bình luận