VOV4.Êđê- Hruê 25/5, klei bi kƀĭn tal 3, Anôk bruă kƀĭn ala gưl 15 lŏ dơ̆ng hdră bi kƀĭn hŏng lu bruă yuôm bhăn. Aguah, anôk bruă kƀĭn ala bi trông ti êpul tĭng dlăng boh tŭ hluê ngă hdră kčah mđĭ kyar bruă duh mkra – ala ƀuôn lehanăn bruă ngăn prăk knŭk kna thŭn 2021; hdră kčah mđĭ kyar bruă duh mkra – ala ƀuôn lehanăn bruă ngăn prăk knŭk kna thŭn 2022; Bi mklă bruă ngăn prăk knŭk kna thŭn 2020; Hdră hluê ngă bruă mkiêt mkriêm, bi kdơ̆ng hŏng klei bi liê ti mang thŭn 2021; Ksiêm wĭt bruă hluê ngă Hdră mtrŭn mrô 42 mơ̆ng anôk bruă kƀĭn ala kơ klei msir mghaih nư dôk đuôm mơ̆ng dŭm êpul bruă brei čan pral lehanăn bruă bi tai wưng hluê ngă klei kčah mtrŭn mơ̆ng Hdră mtrŭn mrô 42. Tlam, anôk bruă kƀĭn ala hmư̆ hră Hưn mdah bruă čih mkra Hdră bhiăn ksiêm mkă dlăng, mdrao klei ruă (mkra mlih), hmư̆ klei hlak mblang, tŭ mă, mkra klei čih mkra Hdră bhiăn bruă Phim rup (mkra mlih) lehanăn bi trông ti anôk bi kƀĭn kơ dŭm bruă dôk mâo klei blŭ mdê mdê mơ̆ng Hdră bhiăn bruă Phim rup (mkra mlih)./.

                                                    Pô mblang: H’Nêč Êñuôl