VOV4.Êđê - Lŏ dơ̆ng Klei bi kƀĭn tal 3, hruê anei, phung bi ala anôk bruă kƀĭn ala bi trông ri êpul kơ Klei čih mkra Hdră bhiăn bruă Êwa čuh (mkra mlih). Klei čih mkra anei kñăm msir mghaih 6 mta hdră mtrŭn mâo: Dŭm klei kčah mtrŭn djŏ tuôm kơ klei kuôl kă bruă êwa čuh; ksiêm dlăng hdră, bi mklă hdră bruă êwa čuh mâo wưng tui duah lehanăn kuai mă êwa čuh, klei kčah mtrŭn kơ klei hluê ngă hdră bruă êwa čuh hluê hdră tui duah, kuai mă, dŭ mdiăng, msir mghaih, mbĭt anăn mjing klei jăk găl hlăm hdră duh bi liê hŏng dŭm hdră bruă êwa čuh hluê dŭm klei kuôl kă. Mta mrâo hlăm hdră anei jing hdră mtrŭn mjing klei jăk găl hlăm bruă jia hrui wĭt hŏng anôk bruă duh mkra 25% lehanăn ênoh hrui mă prăk tăk tuič hnơ̆ng 80% hŏng hnơ̆ng êwa čuh dưi dưn hdră mtrŭn brei klei jăk găl hlăm bruă duh bi liê. Hŏng dŭm hdră mtrŭn dưi ba mdah ti anôk mkra mlih tal anei mâo čang hmăng srăng mđĭ pral lehanăn hdră tui duah, kuai mă dưi mkra mđĭ kñăm duah anôk mkăp lehanăn kuai mă êwa čuh hnơ̆ng lu mbĭt anăn msir mghaih klei amâo jăk tăm mâo hlăm bruă tui duah, kuai mă./.

H’Nêč pô mblang