Blŭ hrăm mphŭn pŏk Klei bi kƀĭn, Khua Anôk bruă kƀĭn ala Trần Thanh Mẫn brei thâo, Klei bi kƀĭn tal 9, Anôk bruă kƀĭn ala gưl XV mphŭn pŏk hlăm hruê 5/5, leh knăm hruê 30/4 lehanăn 1/5, dưi kah mbha 2 gưl čiăng ksiêm dlăng, bi mklă lu bruă, lu mta klei mjêč, yuôm bhăn mâo Gưl dlông bi mklă ti Klei bi kƀĭn tal 11. Tĭng, klei bi kƀĭn srăng ksiêm dlăng, bi mklă 45 mta klei djŏ tuôm kơ bruă čih mkra hdră bhiăn kơ klei mkŏ dăp anôk bruă knŭk kna dŭm gưl, bi khuăt anôk bruă; 14 êpul bruă djŏ tuôm kơ hdră duh mkra – ala ƀuôn, ngăn prăk knŭk kna, ksiêm dlăng lehanăn dŭm bruă yuôm bhăn mkăn.

Ti anôk bi kƀĭn, Khua knŭk kna Phạm Minh Chính mñă: Knŭk kna srăng đru tuič hnơ̆ng, mđing hmư̆ klei blŭ đru mguôp čiăng kơ Klei bi kƀĭn dưi mâo boh tŭ jăk siam. Dŭm mta bruă ba mdah kơ Anôk bruă kƀĭn ala mâo mđing dlăng klă nik, hluê ai tiê mdưm boh tŭ dưn kơ ala čar, kơ djuê ana jing mrô sa. Khua knŭk kna đăo knang, hŏng klei gĭt gai mơ̆ng Đảng, mơ̆ng Knŭk kna, Anôk bruă kƀĭn ala lehanăn klei sa ai mơ̆ng mnuih ƀuôn sang, Klei bi kƀĭn tal 9 srăng tŭ jing jăk siam, lŏ dơ̆ng mđĭ lar boh tŭ yuôm bhăn mơ̆ng hdră bi khuăt anôk bruă knŭk kna./.