
Êpul mă bruă ngă leh klei hrui mƀĭn, mbha hră mơar djŏ yuôm. Dŭm anôk bruă thơ̆ng brei mblang, bi mklă djăp boh phŭn gun kpăk hlăm djăp klei mâo. Kyua anăn, hnơ̆ng ksiêm dlăng dưi mđĭ pral leh anăn lu bruă dleh ktuê dlăng mâo hdră msir klă mngač.

Năng mđing, hŏng klei bi hgŭm jăk plah wah Êpul mă bruă mơ̆ng čar Gia Lai leh anăn Anôk bruă ksiêm dlăng Knŭk kna, sa boh klei dưi msir mgaih jih. Leh hdră hâo hưn mtô mblang, phung kčŭt hưn sa ai hŏng hdră msir, mbĭt anăn ƀuăn rơ̆ng amâo kčŭt hưn thiăm ôh… hlăm mmông mă bruă, K’iăng Khua ksiêm dlăng Knŭk kna Lê Tiến Đạt brei čar Gia Lai lŏ dơ̆ng gĭt gai jih ai tiê hŏng dŭm anôk bruă djŏ tuôm čiăng ksiêm dlăng, păn kjăp boh klei mâo, mkhư̆ jih hnơ̆ng klei kčŭt hưn êgao gưl, klei mâo dleh ktuê dlăng mrâo.
Viết bình luận