Hlăm mmông drông, Lương Cường bi mklă Việt Nam dlăng myuôm klei bi hgŭm, knhuah gru hŏng Đảng hdră bruă yang ƀuôn mtlaih êngiê Angola mâo klei dưi, hŏng Knŭk kna leh anăn Yang ƀuôn Angola. Lương Cường bi mklă Việt Nam leh anăn Angola mâo lu klei găl čiăng mđĭ kyar bi hgŭm leh anăn mtă kơ dua Đảng kƀĭn gĭt gai hlue ngă tŭ dưn klei kuôl kă bi siñê leh plah wah dua ala čar.

Manuel Domingos Augusto bi mklă čang hmăng mđĭ ktang klei bi hgŭm, tui hriăm klei thâo mơ̆ng Việt Nam hlăm klei mđĭ kyar lăn čar, rơ̆ng mtăp mđơr ala ƀuôn, mđĭ bruă klam, kơhưm hŏng tač êngao.