VOV4.Êđê - Aguah mbruê, 15/6, Anôk dlăng bruă Đảng Võ Văn Thưởng mâo mmông mă bruă hŏng khua gĭt gai kmeh gơ̆ng Sang hră kđi čar ala čar Hồ Chí Minh.  Hlăm mmông mă bruă, Sang hră kđi čar ala čar Hồ Chí Minh mtă kơ Anôk dlăng bruă Đảng ksiêm dlăng bi mklă Hdră bruă mtô bi hriăm phung nai ksiêm hriăm kđi čar gưl prŏng kñăm ngă djăp kơ klei čiăng leh anăn mâo nanao phung knuă druh, nai mtô hlăm Sang hră, dŭm sang hră kđi čar ƀuôn prŏng, čar. Kčah mtrŭn phung sinh viên hriăm mtô bruă kđi čar dưi dưn prăk đru msĕ si hriăm hlăm sang hră kahan, kahan ksiêm. Võ Văn Thưởng mtă lŏ dơ̆ng mkŏ mjing Sang hră kđi čar ala čar Hồ Chí Minh jing anôk phŭn ksiêm hriăm hlak mblang kđi čar ala čar. Hlăm anăn mđing kơ bruă kƀĭn bi hriăm êpul knuă druh hlăm Phŭn bruă kđi čar, Anôk bruă Đảng kriê dlăng. Mkŏ mjing, mđĭ kyar sang hră Đảng kluôm ênŭm, năng hŏng sang hră Đảng mâo anăn Khua gĭt gai Hồ Chí Minh leh anăn jing anôk ksiêm hriăm prŏng hĭn mơ̆ng Đảng./.

H’ Zawut pô mblang