VOV4.Êđê -  Aguah hruê 2/6, Êpul mă bruă mrô 3 mơ̆ng Anôk gĭt gai gưl dlông kơ hdră gang mkhư̆ klei ƀơ̆ng ngăn, klei ngă amâo jăk mă leh bruă hŏng Anôk kiă kriê bruă Đảng čar Quảng Ninh čiăng pŏk hdră kčah mă bruă mŏng Anôk gĭt gai. Mta phŭn ksiêm dlăng mđing kơ bruă kiă kriê, mkŏ mjing hdră pral hmao ƀuh, tŭ mă, msir mghaih klei kčŭt hưn djŏ tuôm hŏng phung ngă soh, dŭm klei kčŭt hưn djŏ tuôm kơ phung ƀơ̆ng ngăn, klei ngă amâo jăk, hdră ksiêm dlăng, bi mklă ngăn drăp hlăm bruă msir mghaih dŭm klei mâo djŏ tuôm kơ klei soh ƀơ̆ng ngăn, klei soh hlăm hdră duh mkra, klei ngă amâo jăk.

Hluê hdră ksiêm dlăng čiăng tĭng dlăng boh tŭ dưi mâo, dŭm klei kpăk đuôm, klei êdu kƀah, klei ngă amâo djŏ, dŭm mta phŭn hlăm hdră kiă kriê lehanăn mkŏ mjing, hluê ngă mŏng dŭm gưl bruă Đảng, êpul bruă Đảng lehanăn dŭm anôk bruă djŏ tuôm. Mơ̆ng anăn, hmao ƀuh lehanăn msir mghaih dŭm boh klei mâo bi êdah ngă soh djŏ tuôm kơ klei ƀơ̆ng ngăn, klei ngă amâo jăk./.

H’Nêč pô mblang