Aguah hruê 16/5, ti Anôk bruă Đảng gưl dlông, hŏng klei kiă kriê mơ̆ng Khua gĭt gai Đảng Nguyễn Phú Trọng, Anôk kriê dlăng bruă Đảng gưl dlông tal XIII mphŭn pŏk Klei bi kƀĭn tal 9. Ti anôk bi kƀĭn tal anei, anôk kriê dlăng bruă gưl dlông srăng bi trông kơ dŭm bruă: Hră m’ar ba mdah kơ Klei bi kƀĭn tal XIV mơ̆ng Đảng; mprăp kơ bruă mkŏ mjing Klei bi kƀĭn bruă Đảng dŭm gưl mđing truh kơ Klei bi kƀĭn tal XIV mơ̆ng Đảng lehanăn dŭm bruă yuôm bhăn mkăn.

Blŭ ti knăm anei, Khua gĭt gai Đảng Nguyễn Phú Trọng lač klă: Hluê si hdră kčah, Klei bi kƀĭn phung bi ala kluôm ala tal XIV mơ̆ng Đảng srăng mkŏ mjing hlăm akŏ thŭn 2026, leh djŏ sa wưng păn bruă 5 thŭn kluôm Đảng, jih jang mnuih ƀuôn sang, lĭng kahan drei gĭr hluê ngă Hdră mtrŭn Klei bi kƀĭn tal XIII mơ̆ng Đảng. Mta phŭn Klei bi kƀĭn gưl dlông anei mâo boh tŭ yuôm bhăn. Khua gĭt gai Đảng Nguyễn Phú Trọng mtă: Gưl dlông lehanăn phung bi ala nao ti anôk bi kƀĭn brei mđĭ lar klei thâo, ai tiê đua klam, mđing ksiêm dlăng, bi trông klă klơ̆ng, brei klei blŭ čiăng bi leh klei hưn mthâo lehanăn ksiêm bi mklă hlăm klei bi kƀĭn knhal tuič./.