Êpul khua kiă kriê gưl dlông Đảng Cộng sản Việt Nam, bruă kƀĭn ala lăn čar yang ƀuôn ngă phŭn êngiê Việt Nam, Khua lăn čar yang ƀuôn ngă phŭn êngiê Việt Nam, Knŭk kna lăn čar yang ƀuôn ngă phŭn êngiê Việt Nam, Dhar bruă Mặt trận čar kwar gưl dlông Việt Nam, Êpul khua kiă kriê klei dơr djiê knŭk kna lehanăn găp djuê Nguyễn Phú Trọng, Khua gĭt gai Đảng Cộng sản Việt Nam mâo klei lač jăk prŏng prĭn hŏng jih jang mnuih ƀuôn sang, lĭng kahan kluôm ala, mnuih ƀuôn sang drei ti ala tač êngao lehanăn mah jiăng ala tač êngao, mâo leh ai tiê klei khăp prŏng prĭn, lehanăn klei mpŭ prŏng hŏng khua gĭt gai Đảng Nguyễn Phú Trọng; hriê čang ênuh, mơĭt klei bi juh, lehanăn nao dơr khua gĭt gai Nguyễn Phú Trọng, Khua knơ̆ng kiă kriê gưl dlông Đảng Cộng sản Việt Nam kơ hƀuê ênuk klei jhŏng ktang djuê ana Việt Nam thâo khăp, kreh dharr, lehanăn jhŏng ktang.

Hlăm dŭm hrue êgao, dŭm êklăk ai tiê Việt Nam lehanăn mah jiăng ala tač êngao wir phă Hà Nội, ƀuôn prŏng Hồ Chí Minh lehanăn ƀuôn sang Đông Hội, anôk mkŏ mjing klei čang ênuh kơ Khua gĭt gai Đảng Nguyễn Phú Trọng; dŭm êtuh êbâo čô mnuih ƀuôn sang hlăm djăp čar kwar kluôm ala, amâo mâo uêñ êlan kbưi, amâo mâo uêñ kơ mđiă hjan dôk kăp hlăm djăp êlan klông nao atăt asei atâo khua gĭt gai Đảng truh kơ anôk mdei knhal tuič. Mâo leh dŭm êtuh čô phung khua kiă kriê mơ̆ng dŭm ala čar, krĭng lăn mơĭt hră bi juh, dŭm êtuh êpul mơ̆ng ala tač êngao hriê čang ênuh, ngă klei bi hdơr lehanăn nao dơr, mƀt hŏng dŭm êbâo êpul lehanăn dŭm êtuh êbâo čô mnuih ƀuôn sang nao čang ênuh kơ khua gĭt gai, dŭm êbâo êpul nao čuă ti dŭm anôk bruă bi ala ti ala tač êngao.

Lŏ sa blư̆ dơ̆ng, Êpul khua kiă kriê klei dơr djiê mơ̆ng knŭk kna lehanăn găp djuê mâo klei lač jăk prŏng prĭn, hŏng ai tiê klei khăp mnuih ƀuôn sang, dĭng kna, lĭng kahan kluôm ala, lehanăn mnuih ƀuôn sang drei ti ala tač êngao lehanăn mah jiăng ti ala tač êngao hŏng khua gĭt gai Nguyễn Phú Trọng, Khua kiă kriê knơ̆ng Đảng Cộng sản Việt Nam lehanăn lăn čar, anak mnuih Việt Nam bŏ hŏng klei thâo khăp, lehanăn jhŏng ktang./.

ÊPUL KHUA KIĂ KRIÊ GƯL DLÔNG ĐẢNG CỘNG SẢN VIỆT NAM

BRUĂ KɃĬN ALA LĂN ČAR YANG ɃUÔN NGĂ PHŬN VIỆT NAM

KHUA LĂN ČAR YANG ɃUÔN NGĂ PHŬN VIỆT NAM

KNŬK KNA LĂN ČAR YANG ɃUÔN NGĂ PHŬN VIỆT NAM

DHAR BRUĂ MẶT TRẬN ČAR KWAR GƯL DLÔNG VIỆT NAM