Ba dơr 16 klang kleh kahan djiê êngiă ti Lao lehanăn Campuchia
Thứ sáu, 08:09, 07/06/2024
VOV Tây Nguyên
VOV Tây Nguyên
VOV4.Êđê- Aguah mbruê (6/6), ti wăl msat kahan djiê êngiă kdriêk knông lăn Ngọc Hồi, bruă Đảng čar, Êpul gơ̆ng bruă ƀuôn sang, Anôk bruă sang čư̆ êa, Anôk bruă mặt trận čar Kon Tum mkŏ mjing leh Knăm ba dơr 16 klang kleh kahan đjiê êngiă, kahan ba anăp, phung thơ̆ng kơ bruă mơ̆ng Việt Nam djiê êngiă ti Lào lehanăn Campuchia mâo Êpul K53 čar Kon Tum bi mƀĭn hlăm yan bhang leh êgao.
Răk hră hưn mthâo ti knăm anei, Y Ngọc, Kơiăng khua Anôk bruă sang čư̆ êa čar Kon Tum bi êdah klei mpŭ lehanăn hdơr knga, lač jăk prŏng prĭn truh kơ phung kahan djiê êngă mơ̆ng djuê ana Việt Nam, jhŏng ktang săn asei kyua hdră mblah mtlaih êngiê djuê ana lehanăn ai tiê hgŭm mguôp prŏng.
Hlăm 16 klang kleh mâo êpul K53 Kon Tum mâo duah ƀuh tal anei, mâo 1 čô kahan djiê êngiă dưi bi mklă leh anăn, jing kahan djiê êngiă Đoàn Thanh Long, kkiêng thŭn 1926, ƀuôn sang ti să Điện Quang, kdriêk Điện Bàn, čar Quảng Nam. Anôk thơ̆ng kơ bruă čar Kon Tum jao leh klang kleh kahan djiê êngiă anei kơ gŏ sang lehanăn bruă sang čư̆ êa alŭ wăl ba dơr./.
Viết bình luận