Ba jao kđông kahan 541 kơ Knŏng gĭt gai lĭng kahan čar Attapư, Lào
Thứ năm, 10:26, 07/12/2023
VOV Tây Nguyên
VOV Tây Nguyên
VOV4.Êđê- Hlăm hdră mjĕ mjuk bi hgŭm Lĭng kahan kbông lăn Việt Nam- Lào- Campuchia gưl tal 1, Êpul ngă bruă mơ̆ng Phŭn bruă lĭng kahan Việt Nam mơ̆ng Thiếu tướng Hoàng Hữu Chiến, k’iăng khua knơ̆ng gĭt gai, pô đru kčĕ knơ̆ng gĭt gai lĭng kahan knông lăn Việt Nam jing khua êpul ba jao leh hdră mkŏ mkra kđông kahan Êpul răng mgang knông lăn mrô 541 kơ Knơ̆ng gĭt gai lĭng čar čar Attapư.
Anei jing sa hlăm dŭm bruă mkŏ mkra mơ̆ng Phŭn bruă lĭng kahan Việt Nam mđup brei kơ Phŭn bruă lĭng kahan Lào hŏng klei hmăng hmưi hrăm mbĭt hŏng lĭng kahan yang ƀuôn Lào, êpul kriê dlăng, răng mgang knông lăn mơ̆ng Lào mkŏ mjing êlan knông lăn dua ala čar hŏng klei bi hgŭm, đĭ kyar kjăp.
Hlăm hdră, Anôk bruă mdrao mgŭn lĭng kahan bi mguôp hŏng sang êa drao lĭng kahan mrô 87 hlăm Anôk bruă đru mơ̆ng phŭn bruă lĭng kahan mkŏ mjing klei mkă dlăng mdrao klei ruă, mbha êa drao kơ hlăm brô 700 čô mnuih ƀuôn sang ti kdriêk Phu Vông leh anăn kdriêk Xản Xây, čar Attapư.
Viết bình luận