VOV4.Êđê - Tlam hruê 22/3, Êpul grup Sovico ngă klei ba jao Mbah hâo hưn điên tử nao ai online kơ Anôk bruă kriê dlăng vaccin Covid-19 čiăng lŏ dơ̆ng hâo hưn, iêô jak đru mguôp kơ Keh. Leh giăm 1 thŭn pŏk ngă ba yua, hlăm website: www.quyvacxincovid19.gov.vn dŭm bruă ngă mơ̆ng Keh dưi hưn mdah, klă mngač hlăm dŭm wưng, mơ̆ng bruă iêô jak, nao ai truh kơ ba Keh, đru mguôp lar bra leh anăn mđĭ ai klei hrăm mbĭt đru mguôp ngăn prăk lu mơ̆ng dŭm anôk bruă, êpul bruă hlăm kluôm yang ƀuôn kơ Keh vaccin Covid-19. Yap truh 5 mmông tlam hruê 21/3/2022 ênoh prăk dưi kƀĭn hlăm Keh (hŏng VNĐ leh anăn prăk ala tač êngao lŏ mlih) mâo êbeh 8.950 êklai prăk./.

H’Zawut pô mblang