Anei jing ktang phung lĭng kahan mâo êpul kkuai duah wăl kahan 2 dưi ƀuh hlăm wưng 2 yan bhang thŭn 2022 – 2023. Hlăm hlăm knăm anăn mâo pô bi ala čar Dưr Lào, phung bi ala bruă knŭk kna Lào, pô bi ala wăl kahan mrô 2 mbĭt hŏng mnuih ƀuôn sang čar Oudomxay leh anăn êpul êya mnuih Việt Nam ti čar Oudomxay.

Hlăm knăm, Thiếu tướng Đinh Mạnh Phác, k’iăng khua knơ̆ng gĭt gai lĭng kahan wăl kahan 2 bi êdah klei lač jăk kơ êpul ngă bruă knŭk kna Lào, bruă sang čư êa leh anăn mnuih ƀuôn sang 6 čar Dưr Lào mkŏ mjing leh grăp klei găl čiăng kơ êpul kkui mă klang wăl kahan 2 dưi ngă bruă. Thiếu tướng Đinh Mạnh Phác hmăng hmưi Êpul ngă bruă knŭk kna dŭm čar Dưr Lào lŏ dơ̆ng bi mguôp mtrŭt bi hmar bruă tui duah, kkuai mă, ba wĭt klang lĭng kahan, phung thơ̆ng kơ bruă Việt Nam djiê êngiă ti ala čar Lào hlăm dŭm wưng klei bi blah.