Kpal êbeh 600 pŏk mơar, hdruôm hdră jing klei bi mklin leh anăn ruah mă lu klei čih, klei duê, lu pŏk hră mơĭt bi êdah klei khăp mơ̆ng Khua gĭt gai Đảng Nguyễn Phú Trọng hŏng dŭm gưl mnuih ƀuôn sang leh anăn mah jiăng tar rŏng lăn hlăm dŭm mblah klei mrâo điện tử, hla pŏk yang ƀuôn. Hdruôm hdră mâo 3 kdrêč: kdrêč tal 1: Knang kơ klei gĭt gai, ktrâo lač mơ̆ng Khua gĭt gai Đảng, Kdrêč tal 2: Klei khăp mơ̆ng mnuih ƀuôn sang kơ khua gĭt gai Đảng leh anăn kdrêč tal 3 – Klei sa ai mơ̆ng mah jiăng tar rŏng lăn.

Hlăm hdruôm hră, êngao kơ dŭm klei čih kơ sa čô khua gĭt gai, jing dŭm klei čih bi êdah klei khăp, klei luă gŭ mơ̆ng Khua gĭt gai Đảng hŏng khua gĭt Đảng hŏng mnuih ƀuôn sang, ƀĭng hgŭm, mah jiăng leh anăn wăt kơ ngă bruă ƀuah mkra phung knuă druh ngă soh. Hlăm dŭm êtuh klei čih, klei duê msĕ sơnăn, phung hriăm lu, phung kreh knhâo, phung čih klei yăl dliê, knuă druh, đảng viên, phung mă bruă bi êdah klei mpŭ hŏng klei khăp kơ khua gĭt gai Đảng ala čar drei.