Hlăm wưng êgao, mâo klei uêñ mĭn mơ̆ng Êpul hgŭm lu ala čar leh anăn dŭm ala čar hgŭm kơ bruă răng mgang klei êđăp ênang, Phŭn bruă kahan ksiêm Việt Nam mkŏ mjing leh dŭm gưl bi hriăm hlăm leh anăn êngao lăn čar kơ êbeh 70 gưl khua kahan čiăng mprăp nao hgŭm hlăm bruă răng mgang klei êđăp ênang mơ̆ng Êpul hgŭm lu ala čar.

Ară anei, Phŭn bruă kahan ksiêm Việt Nam mâo leh 15 čô khua kahan mâo ênŭm hnơ̆ng čuăn Êpul hgŭm lu ala čar čiăng nao hgŭm hlăm êpul răng mgang klei êđăp ênang hluê hdră grăp čô. Phŭn bruă kahan ksiêm bi klă mkŏ mjing anôk bruă kahan ksiêm răng mgang klei êđăp ênang mrô 1 hlăm jar klei kriê dlăng ai dưi mprăp hluê ngă bruă klam Êpul hgŭm lu ala čar. Klei bi klă anei bi êdah ktang phĭt, klă klơ̆ng klei ƀuăn mơ̆ng Đảng, knŭk kna, Phŭn bruă kahan ksiêm Việt Nam nao hgŭm hur har, mâo bruă klam răng mgang klei êđăp ênang, mđĭ kyar hlăm alŭ wăl leh anăn tar rŏng lăn.