Ti Tân Thanh, từ aguah mbrue (14/2) êpul bruă djŏ tuôm lŏ dơ̆ng ngă bruă mbha êlan, pŏk êlan kơ êdeh dŭ mnơ̆ng. Dŭm mta mnơ̆ng ba čhĭ lu jing boh kroh, djam mtam, mâo boh suai, boh kneh, boh guga, mkai... Hlăm hrue mâo leh 110 boh êdeh dưi găn ƀăng jang ngă hră mơar mŭt kbiă ti ƀang jang knông lăn Tân Thanh.

Bi ti ƀang jang Hữu Nghị, tơl truh ti tlam mbrue (14/2) mâo êbeh 30 boh êdeh ba čhĭ lu jing boh dủian, boh kneh, boh guga, lehanăn 6 êdeh blei ba mnơ̆ng mơ̆ng ala tač êngao. Mơ̆ng hrue 18/2, jhih jang djăp ƀăng jang knông lâwn ti čar Lạng Sơn srăng lŏ dơ̆ng êrô găn msĕ si aguah tlam. Jih jang mnơ̆ng mâo bi dŭ ba găn dua ƀăng jang anei hlăm čar Lạng Sơn dơ̆ng mơ̆ng wưng leh ruĕ Tết Nguyên đán dưi čang hmăng jing sa klei bi knăl jăk kơ jih jang bruă hlăm čar wưng ti anăp./.