Hluê si klei hưn mơ̆ng Êpul răng mgang klei êđăp ênang êlan klông čar Kon Tum, hlăm brô 9 mmông mmăt hruê 25/2, ti êlan dơ̆ng Hồ Chí Minh, găn alŭ 4, să Diên Bình, kdriêk Đăk Tô, êdeh ôtô mâo mrô 82A-09582 mơ̆ng mgăt êdeh Nguyễn Văn Du (44 thŭn), dôk ti să Sa Sơn, kdriêk Sa Thầy, čar Kon Tum mgăt mâo 3 čô dôk hlăm êdeh nao mơ̆ng kdriêk Đăk Tô truh kơ Đăk hà.

Êjai êran truh ti Km1518+100, êdeh ôtô anei bi drăm hŏng êdeh p’phut mâo mrô 82F1-03391 mơ̆ng A Thuê (20 thŭn) mdiăng wăt A Thom (14 thŭn) dôk ti alŭ Đăk Kang Pêng, să Diên Bình, kdriêk Đăk Tô, nao mkăk hŏng êdeh ôtô. Klei bi drăm kơ ngă kơ A Thuê leh anăn A Thom djiê sa anôk, dua boh êdeh rai kjham. Hmư̆ klei hưn, êpul êya ngă bruă hmar mâo ƀô̆ mta răng mgang anôk mâo klei truh, răng mgang klei êđăp ênang hlăm êlan klông, mbĭt anăn ngă bruă ksiêm duah phŭn agha mâo klei truh anei.