VOV4.Êđê- Phŭn bruă kahan ksiêm mrâo mkŏ mjing Knăm Bi hdơr 20 thŭn Hruê mkŏ mjing Anôk bruă ksiêm dlăng bruă Đảng kahan ksiêm Gưl dlông. Êgao 20 thŭn mkŏ mjing, đĭ kyar Anôk bruă anei kčĕ leh kơ bruă hyuă kjăp klei gĭt gai, ktrâo lač kơ bruă ksiêm dlăng, ktuê dlăng, klei bhiăn Đảng hlăm kahan ksiêm yang ƀuôn. Anôk bruă ksiem dlăng prak kčĕ kơ bruă Đảng kahan ksiêm Gưl dlông mtrŭn, pŏk hluê ngă lu hdră kčah ksiêm dlăng, ktuê dlăng akŏ, ksiêm dlăng tơdah mâo klei bi knăl soh.

Mơ̆ng anăn, đru lu gưl bruă Đảng, êpul bruă Đảng, đảng viên hmao ƀư̆ mkra klei soh, amâo brei klei ngă soh điêt jing prŏng. Blŭ hrăm hlăm klei bi kƀĭn, Phŭn bruă kahan ksiêm ksiêm Tô Lâm mtă hlăm wưng kơ anăp, Anôk bruă ksiêm dlăng Đảng kahan ksiêm Gưl dlông brei lŏ dơ̆ng ktuê dlăng hdră “pŏk mlar, ksiêm dlăng brei mâo boh phŭn, mta phŭn”. Mbĭt anăn mđĭ ktang ksiêm dlăng, ktuê dlăng bruă gĭt gai êpul bruă hluê ngă hdră mkŏ mjing, ƀư̆ mkra Đảng leh anăn bruă kđi čar; gĭr gang mkhư̆, msưh kdĭn, ƀuah mkra bi jăk phung knuă druh, đảng viên amâo mâo klei mĭn kjăp kơ kđi čar, knhuah hdĭp grăp hruê.

Pô mblang: H’Zawut Ƀuôn Yă