Sui hŏng anei 94 thŭn, hruê 03/02/1930, Đảng Cộng sản Việt Nam dưi mkŏ mjing, kruăk boh tŭ yuôm bhăn hlăm hdră bruă cách mạng ala čar drei. Leh giăm 40 thŭn mlih mrâo, ala čar drei dưi mâo leh dŭm boh tŭ yuôm bhăn. Mơ̆ng sa ala čar ƀun knap, Việt Nam kpưn đĭ jing ala čar dôk đĭ kyar, klei hdĭp mnơ̆ng dhơ̆ng lehanăn ai tiê klei mĭn mơ̆ng mnuih ƀuôn sang dưi mkra mđĭ.

Blŭ hrăm ti knăm anei, Khua anôk bruă kiă kriê klei hâo hưn gưl dlông Nguyễn Trọng Nghĩa lač klă: Thŭn 2024, čiăng ngă leh bruă klam, lŏ dơ̆ng mđĭ lar knhuah gru Anôk bruă hŏng hdră mkŏ mkra Đảng, brei drei mđĭ lar jăk dŭm boh tŭ, klei hriăm dưi maoa, msir mghaih klei êdu kƀah adôk mâo. Ƀri gưl anei, 4 čô đảng viên mơ̆ng Anôk bruă Đảng kiă kriê klei hâo hưn gưl dlông tŭ mă leh anăn knăl 40 thŭn Đảng lehanăn anăn knăl 30 thŭn Đảng.