Hrue mbrue 19/5, Knơ̆ng khua čih hră anôk bruă kƀĭn ala, mkŏ mjing leh klei bi kƀĭn hŏng phung ngă bruă klei mrâo kơ jih hdră bi kƀĭn tal 5, bruă kƀĭn ala XV. Klei bi kƀĭn tal 5 mâo mkŏ mjing hlăm dua gưl. Gưl tal 1 jing mơ̆ng hrue 22/5 truh 10/6. Gưl 2 mơ̆ng hrue 19 - 23/6 (Mơ̆ng hrue 11 -18/6, bruă kƀĭn ala mdei čiăng kơ dŭm anôk bruă hlăm bruă kƀĭn ala, knŭk kna lehanăn dŭm anôk bruă djŏ tuôm mâo mmông bi mlih hră mơar, tui si hdră bi kƀĭn kñăm čiăng bi leh jih jang hdră mtrŭn).

Tui si tĭng klei bi kƀĭn srăng mkŏ mjing hlăm 22 hrue". Ti anôk bi kƀĭn anei, bruă kƀĭn ala srăng ksiêm bi mklă kơ 8 hdră čih mkra klei bhiăn, 3 hdră mtrŭn. Mbĭt hŏng anăn, anôk bruă kƀĭn ala lŏ ksiêm, lehanăn mă klei blŭ thiăm mbŏ kơ hdră mđĭ kyar bruă duh mkra ala ƀuôn lehanăn klei kơ ngăn prăk knŭk kna thŭn 2022; bruă mđĭ kyar klei duh mkra ala ƀuôn lehanăn ngăn prăk knŭk kna thŭn 2023…