VOV4.Êđê - K’iăng Khua knŭk kna Lê Văn Thành mâo bi klă hdră mtrŭn mrô 461/QĐ-TTg bi klă bruă klam hdră čuăl mkă krĭng Lăn Dăp Kngư wưng thŭn 2021 – 2030, tă hdră truh thŭn 2050. Mta kñăm mơ̆ng hdră čuăl mkă jing bi klă klơ̆ng dŭm hdră tă, bruă klam, hdră êlan bruă duh mkra ala ƀuôn hŏng krĭng Lăn Dăp Kngư jing: Mđĭ hĭn boh tŭ dŭm ênhă lăn pla mjing ana sui thŭn, ana êa drao, mkŏ mjing anăn knăl hlăm anôk mnia mblei tar rŏng lăn, kñăm kơ bruă krŭ wĭt leh anăn mđĭ kyar bruă duh mkra – ala ƀuôn, mđĭ kyar pui kmlă doh, mđĭ kyar dŭm anôk hiu čhưn ênguê prŏng, mkŏ mjing dŭm anôk hiu čhưn ênguê mâo knhuah krĭng Lăn Dăp Kngư, mđĭ kyar ai dưi, rơ̆ng hơĭt klei hdĭp mnuih ƀuôn sang, tal êlâo hĭn jing kriê pioh leh anăn krŭ wĭt dŭm klei yuôm bhăn hlăm knhuah dhar kreh dŭm djuê ana krĭng Lăn Dăp Kngư, mkŏ mkra êlan dơ̆ng pral leh anăn mđĭ kyar êlan kluôm hlăm krĭng, dŭm bĭt êlan mkŏ dŭm čar krĭng Lăn Dăp Kngư hŏng krĭng Ngŏ Dhŭng, krĭng hang ksĭ krĭng Dhŭng kwar krah hŏng Krĭng Dhŭng ala čar Lào leh anăn krĭng Ngŏ Dưr ala čar Campuchia.

Y- Khem pô mblang