VOV4.Êđê - Leh 6 hruê mă bruă, tlam mbruê, klei kƀĭn trông tal 5 êpul khua bruă Đảng gưl dlông tal 13 bi ruê̆ leh. Sa hlăm dŭm boh klei mâo Khua gĭt gai Đảng Nguyễn Phú Trọng mnă ktang hlăm klei blŭ bi ruê̆ klei kƀĭn jing srăng mkŏ mjing klei mlih ktang leh anăn klă klơ̆ng hĭn hlăm bruă mđĭ hnơ̆ng klei gĭt gai, ai ktang bi kdơ̆ng mơ̆ng dŭm êpul êya bruă Đảng nah gŭ, leh anăn čiăng hluê ngă mta kñăm, hdră kčah, dŭm bruă klam bi êdah leh.

Khua gĭt gai Đảng Nguyễn Phú Trọng mtă, êpul mkŏ mjing gưl dlông leh anăn dŭm êpul bruă Đảng, dŭm anôk bruă đru kčĕ, đru bruă hlăm gưl dlông čiăng hnưm mâo klei mtô lač, mkŏ mjing hluê ngă. Dŭm čar, ƀuôn prŏng, êpul bruă Đảng gưl dlông srăng mâo klei mbruă, čŏng pô bi klă dŭm klei mĭn, mta kñăm, bruă klam leh anăn hdră êlan mâo hdră mtrŭn mơ̆ng gưl dlông bi êdah leh. Hlăm klei kƀĭn, êpul khua bruă Đảng gưl dlông bi tŭ ư mkŏ mjing êpul gĭt gai gưl čar kơ bruă gang mkhư̆ klei ƀơ̆ng ngăn, klei amâo mâo jăk.

Y-Ƀel pô mblang