VOV4.Êđê- Aguah mbrue (6/7), hŏng jih jang phung bi ala nao bi kƀĭn tŭ ư sơăi, Dhar bruă gĭt gai bruă kƀĭn ala bi klă leh hdră mtrŭn kơ ênoh rĭng jia bruă răng mgang wăl hdip mda hŏng êa săng êa pui. Dhar bruă gĭt gai bruă kƀĭn ala bi mlih ênoh jia bruă răng mgang wăl hdĭp mda hŏng êa săng, êa pui trŭn ti hnơ̆ng djŏ hŏng jar kruak truh jih hrue 31/12/2022 msĕ si: Êa săng bi hrŏ 2 êbâo prăk/lit, trŭn adôk 1 êbâo prăk/lit, êa săng êdeh phiơr bi hrŏ mơ̆ng 1.500 prăk/lit trŭn adôk 1 êbâo prăk/lit, êa pui diesel hrŏ mơ̆ng 1 êbâo prăk/lit trŭn adôk 500 prăk/lit; êa pui mazut lehanăn luil hrŏ mơ̆ng 1 êbâo prăk/lit trŭn adôk 300 prăk/lit; greh hrŏ mơ̆ng 1 êbâo prăk/kg trŭn adôk 300 prăk/kg, êa pui petrol krơ̆ng ti ênoh 300 prăk kyua anei jing ênoh trĭp ti jar kruăk kơ jia. Dhar bruă gĭt gai bruă kƀĭn ala bi tŭ ư wưng ba yua mơ̆ng hdră mtrŭn jing mơ̆ng hrue 11/7/2022./.

Pô mblang: Y-Khem Niê