Bi leh êlan mkŏ Êlan dơ̆ng prŏng ala čar mrô 14 truh kơ ƀăng jang knông lăn Bu Prăng (Dak Nông).(
Thứ ba, 09:26, 23/05/2023
VOV TAYNGUYEN
VOV TAYNGUYEN
VOV4.Êđê- Čar Dak Nông mrâo bi mklă leh anăn ba yua hdră bruă mkra mđĭ, pŏk mlar êlan mơ̆ng Êlan dơ̆ng prŏng ala čar truh kơ ƀăng jang knông lăn Bu Prăng.
Ktuê êlan jing yuôm bhăn kñăm mđĭ kyar bruă duh mkra ala ƀuôn, rơ̆ng êđăp ênang ala čar krĭng knông lăn. Hdră bruă dlông 38 km hlăm Hdră bruă mđĭ kyar krĭng knông lăn hlăm hdră bruă čar Dak Nông, đru mkra mđĭ mkŏ êlan jơ̆ng, mâo prăk bi liê 426 êklai prăk čan mơ̆ng Knơ̆ng prăk mđĭ kyar Asi (ADB). Hdră bruă dưi rŭ mdơ̆ng mlan 8/2020, găn dŭm alŭ wăl să Nâm N’Jang, Dak N’Drung (kdriêk Dak Song) leha năn Dak Búk So, Quảng Trực (kdriêk Tuy Đức).
Hlue si Hà Sỹ Sơn- K’iăng Khua Knơ̆ng bruă êlan klông dŭ mdiăng, čiăng đru mđĭ kyar bruă duh mkra ala ƀuôn dŭm krĭng ƀuôn sang, knông lăn, thŭn 2023, čar lŏ dơ̆ng bi liê êbeh 7 êtuh êklai prăk čiăng mkra mđĭ, mkŏ dŭm ktuê êlan./.
Viết bình luận