Kñăm lar bra bruă hâo hưn mđĭ klei mtăp mđơr êkei mniê hŏng phung hriăm gưl prŏng, phung êdam êra mnuih djuê ƀiă, mmăt mbruê (2/10), ti sang hră gưl prŏng Lăn Dap Kngư, Êpul hgŭm phung mniê Việt Nam bi hgŭm hŏng Phŭn bruă sang hră leh anăn Mtô bi hriăm mkŏ mjing klei mjĕ êrô, mdah klei mĭn mbruă hâo hưn mđĭ klei thâo săng kơ klei mtăp mđơr êkei mniê kơ phung êdam êra mnuih djuê ƀiă.

Hlăm hdră, phung hriăm gưl prŏng mnuih djuê ƀiă ti 6 boh sang hră gưl prŏng ti kwar Krah leh anăn Lăn Dap Kngư nao bi lông, mdah klei mĭn mbruă leh anăn bruă hâo hưn. Hŏng dŭm klei ngă hlăp ti knưl msĕ si klei duê, kưt mmuñ, video đŭt, rup kyua phung hriăm gưl prŏng mkŏ mjing. Dŭm kdrêč bi êdah kơ klei mtăp mđơr êkei mniê hlăm bruă mtô bi hriăm leh anăn hlăm gŏ sang; mđing mđĭ klei thâo săng kơ klei mtăp mđơr êkei mniê, hâo hưn lăm lui klei bhiăn kthŭl mluk, msir mgaih bruă ngă mjêč hŏng phung mniê, phung êdam êra leh anăn hđeh điêt.