Hrue anei, jing hrue phung hđeh kơ klei duh mkra ala ƀuôn, snăn nah êngao kơ klei bi kƀĭn phung bi ala tui si hdră, ăt mâo klei bơ̆k bâo mơh kơ bruă răng kriê phung hđeh, mgang phung hđeh, bi hriăm hđeh luê êa kơ phung hđeh. Klei ngă jhat kơ phung hđeh hlăm sang hră mơar, duh mn kơ anôk hlăp mbul kơ phung hđeh ti dŭm gưl să, boh nik hlăm krĭng taih kbưi.

Mâo đa đa phung bi ala bi êdah klei amĭ ama hđeh ngă klei bi mguôp hŏng sang hră mơar, hŏng bruă sang čư̆ êa mtô mjuăt kơ phung hđeh knhuah hdĭp. Mđĭ hĭn klei mđing uêñ kơ anôk hriăm mjuăt lehanăn hdĭp mda jăk kơ phung hđeh klă sĭt mâo klei êđăp ênang. Aguah anei (1/6), Bruă kƀĭn ala lŏ dơ̆ng trông čhai ti sang bi kƀĭn lŏ thiăm mbŏ kơ boh tŭ dưn hdră mđĭ kyar bruă duh mkra ala ƀuôn lehanăn ngăn prăk knŭk kna thŭn 2022; hdră hlue ngă bruă duh mkra ala ƀuôn hlăm dŭm mlan akŏ thŭn 2023; bi trông hlăm sang bi kƀĭn kơ hdră duh bi liê, lŏ mbŏ ênoh bi liê mơ̆ng knơ̆ng prăk bruă lŏ hma Việt Nam.