Lŏ dơ̆ng hlăm hdră bi kƀĭn tal 10, hrue anei, 04/11, Bruă kƀĭn ala hmư̆ hră mdah lehanăn ksiêm dlăng kơ klei čih mkra hdră bhiăn rŭ mdơ̆ng (lŏ mlih mrâo), klei čih mkra hdră bhiăn thiăm mbŏ mlih mrâo dŭm klei bhiăn hlăm bruă lŏ hma lehanăn wăl hdĭp mda, lehanăn hdră bhiăn kiă kriê jia lŏ mlih mrâo, hdră bhiăn ênoh hrui wĭt mdê mdê lŏ mlih mrâo, hdră bhiăn mkiêt mkriêm, bi kdơ̆ng hŏng klei bi liê pliă plia; hdră bhiăn msir kđi yang ƀuôn lŏ mlih mrâo; hdră bhiăn kăp ksiêm klei hluê ngă klei bhiăn hdră bhiăn mnơ̆ng hlăm gŭ lăn lŏ mlih mrâo, hdră bhiăn bi kdơ̆ng hŏng klei ƀơ̆ng ngăn. Leh kơ anăn bruă kƀĭn ala bi trông hlăm êpul  kơ klei čih mkra hdră bhiăn, mă kơ̆ng mă kơ̆ng êjai, lehanăn kăm kbiă mơ̆ng anôk dôk. Lŏ mlih mrâo thiăm mbŏ đa đa mta kơ hdră bhiăn čih kơ klei hdĭp tui si klei bhiăn. Tlam anei, Bruă kƀĭn ala bi trông hlăm êpul kơ klei čih mkra hră mơar klei bi kƀĭn prŏng Đảng kluôm ala gưl 14.

Hruê 3-11, brei klei blŭ kơ Klei čih mkra Hdră bhiăn mkra mlih, thiăm mbŏ dŭm mta hlăm Hdră bhiăn kriê dlăng nư knŭk kna, phung bi ala Anôk bruă kƀĭn ala brei ksiêm dlăng klă klơ̆ng kñăm mjing klei găl hlăm bruă kriê dlăng nư knŭk kna, čiăng kơ ala čar đĭ kyar, mbĭt anăn mjing klei đăo knang kơ phung duh bi liê hriê ti Việt Nam lehanăn klei đăo knang hlăm mnuih ƀuôn sang. Khua Anôk bruă kƀĭn ala Trần Thanh Mẫn brei thâo, Hdră bhiăn kriê dlăng nư knŭk kna dưi bi êdah khuăt ti klei bi kƀĭn tal 10 anei, čiăng hluê ngă hdră kah mbha gưl, klei dưi bi knar hŏng Hdră bhiăn ngăn prăk knŭk kna, Hdră bhiăn Duh bi liê knŭk kna, mtrŭt mđĭ bruă mkra mlih klei ngă hră mơar, pral pŏk ngă dŭm hdră maoa prăk duh ala tač êngao. Boh nik êjai dôk hluê ngă bruă knŭk kna 2 gưl, rơ̆ng klei klă mngač, tŭ dưn hlăm bruă anei.