VOV4.Êđê - Adŭ bruă Knŭk kna mrâo ba mdah Asăp hưn mthâo mrô 253 hưn mdah klei klah čŭn mơ̆ng Khua knŭk kna Phạm Minh Chính ti anôk bi kƀĭn tal 3 Dhar bruă ala čar kơ bruă mlih mrô. Klei klah čŭn lač klă, bi mlih mrô jing kdrăp yuôm hlăm hdră mkŏ mkra bruă duh mkra hnŭk êngiê, ngă phŭn mil pô mguôp hŏng klei ñŭ kma hŏng tar rŏng lăn, kñăm ba wĭt klei tŭ dưn. Ba yua kdrăp mrâo, bi lu jơr wăl anôk mnia mblei, dŭm anôk mkăp mnơ̆ng, mđĭ hnơ̆ng tŭ mnơ̆ng dhơ̆ng čiăng đru krŭ wĭt lehanăn mđĭ kyar bruă duh mkra – ala ƀuôn. Khua knŭk kna mtă mơ̆ng ară anei truh kơ jih thŭn 2022 lehanăn wưng ti anăp, Phung khua phŭn bruă, Khua knơ̆ng bruă hlăm Knŭk kna, Khua anôk bruă sang čư̆ êa čar, ƀuôn prŏng hlăm Gưl dlông ngă bruă kjăp hĭn, mkŏ mjing hdră ngă bruă, mkăp mnuih mă bruă čiăng hluê ngă bruă klam mlih mrô ti dŭm knơ̆ng, dhar bruă, alŭ wăl pô./.

H’ Nêč pô mblang