Hlăm knăm anei, phung bi ala lŏ bi hdơr hdră êlan 93 thŭn kdrưh kơăm mŏng phung êdam êra CS Hồ Chí Minh leh anăn phung mda asei Việt Nam, ƀuăn sĭt suôr hŏng lăn čar, hŏng Đảng, đăo knang hlăm klei Đảng gĭt gai. Mđĭ ai tiê khăp kơ lăn čar, klei mĭn čŏng ngă, ktưn hưn kơ djuê ana, ai tiê ngă bruă kyua klei hdĭp êpul êya, duh myơr, ngă bruă klam mrâo, bruă dleh dlan.

Gưl anei, bruă êdam êra mduh brei leh klei pah mni Lý Tự Trọng thŭn 2024 kơ 100 čô knuă druh êdah êdi kluôm ala. Êlâo anăn, êpul knuă êduh êdah êdi nao hlăm Hdră “Bi hdơr 93 thŭn hruê mkŏ mjing Êpul êdam êra CS Hồ Chí Minh leh anăn mđup brei Klei pah mni Lý Tự Trọng thŭn 2024” nao myơr brui mngưi, mnga ti Wăl mnơ̆ng kriê pioh Ayang Khua gĭt gai Đảng hđăp Trần Phú, Wăl bi hdơr phung jhŏng ktang êngiă asei Lý Tự Trọng, Wăl kriê pioh Ngã Ba Đồng Lộc.