Hruê mbruê (8/8) hlăm klei bi kƀĭn ksiêm dlăng boh tŭ čung ba mnuih ƀuôn sang, hâo hưn thŭn 2022-2023 leh anăn pŏk ngă bruă klam hlăm wưng kơ anăp, Binh đoàn 15 mkŏ mjing leh klei pah mni kơ 104 khua mduôn, khua ƀuôn, phung mâo kơhưm mnuih djuê ƀiă ti krĭng knông lăn 2 čar Gia Lai leh anăn Kon Tum. Hlăm 2 thŭn êgao. Binh đoàn 15 ngă leh jăk bruă čung ba mnuih ƀuôn sang, đru hlue ngă jăk bruă duh mkra kahan, rơ̆ng êđăp ênang krĭng knông lăn čar Gia Lai, Kon Tum.

Binh đoàn mjing leh bruă mă hơĭt kjăp kơ 9000 čô mnuih mă bruă djuê ƀiă; mkŏ mjing êbeh 4.200 hlâo gŏ êsei mnuih mă bruă djuê lar hŏng mnuih djuê ƀiă bi mjing, bi đru mđĭ kyar bruă duh mkra. Hŏng bruă ngă klei khăp, Binh đoàn 15 mđĭ lar leh bruă klam phung khua mduôn, khua ƀuôn, khua dlăng bruă klei đăo, phung mâo kơhưm hlăm krĭng mnuih djuê ƀiă, đru kriê dlăng klei hdĭp ai tiê, răng mgang dhar kreh leh anăn rơ̆ng êđăp ênang krĭng knông lăn.