VOV4.Êđê-  43 čô hđeh, sinh viên ƀun hriăm thâo hlăm Hdră “Đru kơ adei nao sang hră lehanăn Anak rông Kđông kahan răng mgang knông lăn” ti Dak Lak dưi bi mni hlăm aguah 12/8, ti să knông lăn Krông Na, kdriêk Ƀuôn Đon, čar Dak Lak. Mbĭt hŏng klei bi mni, phung hđeh dưi mđup brei lu mta mnơ̆ng msĕ si: Prăk, êdeh wai jơ̆ng, hdruôm hră, čhum ao mrâo lehanăn mnơ̆ng yua hriăm hră.

Čar Dak Lak mâo giăm 73 km êlan knông lăn siă hŏng čar Muldunkiri, Campuchia. Tinei, mâo 4 să knông lăn jing Ea Bung, Ya Lôp, Ia R’vê hlăm kdriêk Êa Sup lehanăn Krông Na ti kdriêk Ƀuôn Đon, jing să mâo lu gŏ êsei ƀun. Hưn lač dŭm klei dleh dlan mơ̆ng mnuih ƀuôn sang knông lăn, êpul kahan răng mgang knông lăn Dak Lak mđing kơ hdră đru yang ƀuôn, hŏng dŭm gru hmô klă sĭt. Hdră anei ti Dak Lak mjing leh klei găl kơ dŭm êtuh čô hđeh ƀun dưi nao sang hră, gĭr hriăm thâo./.

Pô mblang: H’Nêč Êñuôl