VOV4.Êđê- Leh 7 hrue mă bruă hŏng klei mjêč, lehanăn mâo bruă đua klam prŏng, hrue mbrue (9/10) ti anôk bruă Đảng Gưl dlông, Klei bi kƀĭn tal 6 Êpul khua kiă kriê bruă Đảng Gưl dlông gưl 13 bi ruĕ klei bi kƀĭn mâo Khua gĭt gai Đảng Nguyễn Phú Trọng kiă kriê. Blŭ bi ruĕ klei bi kƀĭn, Khua gĭt gai Đảng mñă, mta mrâo mơ̆ng klei bi kƀĭn tal anei, jing Êpul khua kiă kriê gưl dlông ksiêm dlăng leh kơ bruă bi mklă knuă druh hlăm gưl dlông amâo lŏ dôk ôh hlăm Êpul khua kiă kriê Đảng gưl dlông gưl 13, hlue hdră mtrŭn mơ̆ng Phŭn bruă kđi čar, mâo leh klei ksiêm bi mklă, djŏ hlăm bruă mdei bruă hŏng knuă druh, lehanăn hưn mthâo klei lŏ mdưm tiŏ nao knuă druh leh tuôm hŏng klei ƀuah mkra kơ Nguyễn Thành Phong, Huỳnh Tấn Việt, Bùi Nhật Quang, lehanăn bi mklă klei ƀuah mkra kơ Phạm Xuân Thăng, khua bruă Đảng čar Hải Dương hŏng hdră bi kbiă mơ̆ng Đảng.

Khua gĭt gai Đảng Nguyễn Phú Trọng blŭ hrăm bi ruê̆ Klei bi kƀĭn tal 6 Êpul khua kiă kriê bruă Đảng Gưl dlông gưl 13 

Khua gĭt gai Đảng mtă brei mâo klei đăo knang kơ Đảng, jih jang lĭng kahan, lehanăn phung ƀuôn sang srăng mkŏ mjing lehanăn hlue ngă tŭ jing jih jang hdră mtrŭn, klei klă čun mơ̆ng klei bi kƀĭn gưl dlông tal anei, đru mguôp kơ klei tŭ jing hlue ngă hdră mtrŭn klei bi kƀĭn prŏng 13 mơ̆ng Đảng, čiăng kơ lăn čar mdrŏng sah, djuê ana hing ang./.

Pô mblang: Y-Khem Niê