Mkŏ mjing klei bi kƀĭn kluôm gưl, klei bi kƀĭn tal 10 mơ̆ng hrue 18/9 truh hrue 20/9/2024 ti ƀuôn prŏng phŭn Hà Nội. klei bi kƀĭn tal 10 bi trông leh lehanăn mă klei blŭ kơ klei čih mkra klei hâo mdah bruă kđi čar mơ̆ng êpul khua kiă kriê bruă Đảng gưl dlông gưl 13, ksiêm wĭt kơ jih jang bruă hlak mblang, hlue ngă bruă mkŏ mjing Đảng lehanăn hlue ngă klei bhiăn Đảng; čih klei hâo mdah 5 thŭn mđĭ kyar bruă duh mkra ala ƀuôn 10 thŭn  2021 - 2030; hdră êlan kơ klei mđĭ kyar bruă duh mkra ala ƀuôn 5 thŭn 2026 - 2030; hâo mdah boh tŭ dưn klei bhiăn ruah khua hlăm Đảng mâo wăt hdră mtrŭn mrô 244-QĐ/TW, hrue 09/6/2014 mơ̆ng êpul khua kiă kriê Đảng gưl 11, lehanăn lŏ mlih mrâo thiăm mbŏ kơ klei bhiăn ruah khua hlăm  Đảng; čih mkra kơ hdră êlan dăp mnuih ngă bruă hlăm êpul khua kiă kriê bruă Đảng gưl dlông gưl XIII lehanăn bruă srăng dăp mnuih ngă bruă hlăm êpul khua kiă kriê bruă Đảng gưl XIV; hưn mdah kơ bruă cual mkă bruă kđi čar.

Hlăm êpul khua kiă kriê gưl 14, wưng thŭn 2026 - 2031; mbŏ dŭm klei čuăl mkă kơ êpul khua kiă kriê gưl dlông Đảng XIV, wưng păn bruă 2026 - 2031; hâo mdah hlue ngă hdră mdĭ kyar bruă duh mkra ala ƀuôn thŭn 2024, tă hdră duh mkra ala ƀuôn thŭn 2025; hâo mdah bruă ngăn prăk knŭk kna thŭn 2025; hdră ngăn prăk knŭk kna hlăm 3 thŭn 2025 -2027; hdră rŭ mkra êlan dơ̆ng pral Dưr – Dhŭng, hdră rŭ mdơ̆ng ƀuôn prŏng Huế dôk hlăm gưl dlông, ruah thiăm mbŏ khua êmua hlăm êpul ksiêm dlăng gưl dlông gưl 13, lehanăn dŭm bruă yuôm bhăn mkăn.

Khua gĭt gai Tô Lâm kiă kriê lehanăn mâo klei blŭ bi ruĕ klei bi kƀĭn./.