Anei jing bruă dưi pŏk ngă hnưm, mbĭt anăn jing klei mñă iêô jak klei mđing uêñ mơ̆ng phung ngă bruă klei mrâo mđung asăp. Thŭn anei, boh phŭn anei kƀĭn 26 êpul bi lông hŏng lu êkip mâo klei thâo, tuôm mâo klei tŭ êdah kdlưn mơ̆ng klei bi lông. Mmông mđung mơ̆ng 30-45 mnĭt mjing klei găl čiăng kơ dŭm anôk bruă bi êdah boh êlam boh phŭn, klei thâo msir mgaih klei mâo leh anăn klei thâo gai hdră ti mmông anăn mtam. 

Hlue si klei ksiêm dlăng mơ̆ng Êpul brei puăng, dŭm êpul pral mguôp klei hâo hưn kơ hdră êlan mơ̆ng Đảng leh anăn Knŭk kna, boh nik jing bruă bi klă klơ̆ng Hdră mtrŭn Klei bi kƀĭn Đảng tal XIV hlăm klei hdĭp. Lu bruă hlăm klei hdĭp msĕ si “klei kpăk đuôm” hlăm klei ba yua gru hmô bruă sang čư̆ êa alŭ wăl dua gưl leh anăn hdră msir ruh mgaih ăt msĕ mơh dưi lač klă mngač, lač kơ klei djŏ klă mơ̆ng hdră mđung asăp mrâo mrang.