Tlam hruê 8/4, lŏ dơ̆ng hdră Klei bi kƀĭn tal sa, Anôk bruă kƀĭn ala gưl XVI, phung bi ala bi trông ti êpul kơ tlâo klei čih mkra hdră bhiăn mkra mlih, mâo: Hdră bhiăn Ƀuôn prŏng phŭn; Hdră bhiăn bi lông, pah mni lehanăn Hdră bhiăn Ai mĭn, klei đăo. Hlăm anăn, Klei čih mkra Hdră bhiăn Ƀuôn prŏng phŭn mkra mlih dưi bi mklă bruă phŭn jing mđĭ klei kah mbha gưl, klei dưi kơ kluôm anôk bruă knŭk kna Hà Nội, mguôp hŏng bruă rơ̆ng mâo djăp klei găl mâo, klei bhiăn ksiêm dlăng lehanăn klei đua klam hlak mblang klă klơ̆ng.

Dŭm hdră mtrŭn mđing truh kơ bruă ruh mtlaih klei gun kpăk hlăm bruă êlan klông, wăl hdĭp mda lehanăn ba yua jih klei găl mđĭ kyar hơĭt kjăp. Brei klei blŭ hlăm  Klei čih mkra Hdră bhiăn Ƀuôn prŏng phŭn mkra mlih, Khua anôk bruă kƀĭn ala Trần Thanh Mẫn brei thâo, ai tiê Hdră bhiăn tal anei brei kah mbha gưl, kah mbha klei dưi kluôm kơ bruă knŭk kna ƀuôn prŏng Hà Nội hluê si klei bhiăn: Hà Nội gĭr, Hà Nội mă, Hà Nội tŭ đua klam. Khua anôk bruă kƀĭn ala hưn mdah leh dŭm mta êdah êdi mơ̆ng klei čih mkra msĕ si: Pŏk mlar klei bhiăn ba yua hdră bhiăn; thiăm mbŏ klei đua klam djŏ hdră bhiăn, ƀuôn prŏng lehanăn ba yua boh kdrŭt đĭ kyar hơĭt kjăp, brei klei blŭ, mkŏ mjing anôk bruă ngă hră mơar hdră duh mkra mdê hjăn, mđĭ klei dưi mkŏ mjing anôk bruă kơ Êpul hgŭm ƀuôn sang krĭng ƀuôn prŏng….