Hlăm mlan 3/2026, ênoh čhĭ mnơ̆ng yua kơ bruă rŭ mdơ̆ng đĭ yuôm msĕ si msei đĭ mơ̆ng 11- 14%, xi măng giăm 14%, klei kap pui đĭ 30 – 40%, ngă kơ lu phung ngă mkra hdră bruă dôk mđing uêñ. Êngao anăn, phŭn mkăp mnơ̆ng yua kơ bruă rŭ mdơ̆ng djŏ hdră bhiăn, boh nik čuah, dôk kƀah.

Ti anăp klei anei, čar mtă kơ dŭm êpul, anôk bruă hưn mthâo klă klơ̆ng ênoh čhĭ mnơ̆ng yua kơ bruă rŭ mdơ̆ng; ksiêm dlăng mkra mlih klei kuôl kă blei mnơ̆ng mbĭt anăn mđĭ hnơ̆ng ngă bruă, mtrŭt bruă mkra čuah lehanăn msir mghaih ktang ti anôk êmưt ngă bruă. Gia Lai ăt mkŏ mjing êlan đĭng blŭ mjêč čiăng ksiêm dlăng klei mkăm pioh, klei ngă mdêč mdar hlăm bruă mnia mblei, rơ̆ng phŭn mkăp lehanăn wưng hluê ngă dŭm hdră phŭn.