Ti anăp klei kpĭ ktang mơ̆ng “Hră kñĭ” mơ̆ng Dhar bruă kiă kriê Ơrôp (EC), čar Daklak hlăk dôk ngă djăp hdră, bi kdơ̆ng hŏng klei trah mă kan soh hŏng klei bhiăn, lehanăn mâo klei hâo mdah lehanăn amâo mâo ngă soh ôh tui si klei čoh čuăn (IUU), jing ksiêm dlăng êpul hô̆ pui lehanăn mă bruă hŏng klei klă mngač thâo klă phŭn agha anôk trah mă kan.

Kluôm čar ară anei mâo truh 2.576 boh hô̆ pui trah mă kan, lu jing mâo leh sơăi hră mơar klei dưi hiu trah mă kan, hŏng jih jang dŭm boh hô̆ pui mâo boh prŏng 15 met kơ dlông, mâo mkŏ mdưm jih jang kdrăp kăp ksiêm dlăng êlan đuĕ hiu. Mơ̆ng thŭn 2024 truh ară anei, êpul bruă djŏ tuôm mâo mghaih msir leh truh 119 klei ngă soh, lu jing djŏ tuôm hŏng kdrăp kăp ksiêm, lehanăn klei hiu trah mă kan soh hŏng alŭ wăl dưi brei. bruă tui duah phŭn agha mâo hyua kjăp hĭn, lehanăn mâo klei kăp čih pioh hŏng elektronik, rơ̆ng kjăp kơ bruă kăp ksiêm găn hlăm djăp kdrŭn.

Wưng tinăp, čar Daklak lŏ dơ̆ng hyuă kjăp hĭn klei kăp ksiêm, mghaih msir ktang klei ngă soh, mđĭ hĭn bruă hâo hưn, mtă mtăn kơ phung trah mă kan mâo klei thâo săng, anăp truh ruh mtlaih hĕ hră kñĭ hŏng klei kjăp./.