Hrue mbrue 8/4, ti anôk bruă khua lăn čar, mkŏ mjing leh klei bi kƀĭn bi êdah klei bi mklă bruă ruah mdưn phung khua êmua hlăm knŭk kna, tui si Phŭn bruă kđi čar ruah mdưm Êpul kHua kiă kriê, Êpul Khua gĭt gai, Êpul Khua bruă Đảng, k’aĭng khua bruă Đảng hlăm anôk bruă knŭk kna, lehanăn bi êdah klei bi mklă ruah mdưm phung khua kiă kriê hlăm knŭk kna wưng păn bruă 2026–2031. Khua gĭt gai Tô Lâm jao leh hră bi mklă kơ Khua bruă Đảng anôk bruă knŭk kna, kơ Khua knŭk kna Lê Minh Hưng mbĭt hŏng phung khua kiă kriê hlăm knŭk kna; lehanăn jao hră bi mklă ruah mdưm k’iăng khua knŭk kna knơ̆ng kơ Phạm Gia Túc, Đại tướng Phan Văn Giang păn ngă k’iăng khua knŭk kna, hlŏng klam khua phŭn bruă lĭng kahan, mbĭt hŏng dŭm phung k’iăng khua knŭk kna, lehanăn phung khua phŭn bruă, khua anôk bruă knar gưl.

Blŭ hrăm ti anôk bi kƀĭn, Khua gĭt gai Tô Lâm bi êdah klă bruă klam hlăm wưng păn bruă mrâo, amâo mâo djŏ knŏng lŏ dơ̆ng čuê, ƀiădah lŏ čhuang kjăp hĭn hlăm dŭm boh êñan mđĭ kyar prŏng hĭn, boh knhal tuič srăng dưi mkă hŏng hnơ̆ng hdĭp mda mnuih ƀuôn sang, lehanăn k’hưm mơ̆ng lăn čar. Khua gĭt gai mñă hlăm bruă čuăn yuôm bhăn tal êlâo mơ̆ng knŭk kna wưng păn bruă mrâo jing mjing anôk mđĭ kyar, pŏk phai klei đĭ kyar, mjing ai ktang mrâo, lehanăn klei thâo mkŏ mjing, kñăm hlue ngă tŭ jing dŭm ênoh kčah./.