Hluê si klei hưn hlăm klei kƀĭn trông, GRDP wưng tlâo mlan tal 1 mơ̆ng čar Dak Lak đĭ 7,47%, ƀiă hĭn mkă hŏng hdră kčah. Đa đa boh kdrŭt đĭ kyar msĕ si bruă tuh tia - mkŏ mkra, brei čan duh bi liê bruă Knŭk kna, iêo jak klei duh bi liê ka djăp hŏng klei čuăn. Phung bi ala brei thâo, ara anei ênoh duh bi liê bi mlih hluê ênoh êa săng, êa pui, dôk hmăi kơ bruă mkra mjing, mnia mblei. Bruă mkŏ mkra đĭ kyar ƀiă kyua ênoh mnơ̆ng yua mkŏ mkra đĭ yuôm leh anăn êmưt ruh mgaih anôk ala lu hdră.

Ti anăp lu klei lông dlăng hŏng mta kñăm đĭ kyar, Đỗ Hữu Huy, khua Bruă sang čư̆ êa čar Dak Lak mñă kơ dŭm anôk bruă mjêč ksiêm wĭt klei bi liê, kñăm msir dŭm mta bruă đĭ kyar êmưt, mtrŭt bi pral klei brei čan duh bi liê bruă Knŭk kna, ruh mgaih klei kpăk kơ dŭm hdră. Pô ba anăp srăng gĭt gai leh anăn đua klam kơ ƀuôn boh tŭ klei ngă bruă.