Hlăm gưl kƀĭn, k’iăng khua Bruă Kbĭn ala Nguyễn Thị Thanh mñă ktang, mta kñăm phŭn ară anei jing mkŏ mjing lăn čar Việt Nam mdrŏng ktang, đĭ kyar pral leh anăn hơĭt kjăp, hlăm anăn mđĭ kyar hơĭt kjăp nao mbĭt hŏng mta phŭn yang ƀuôn leh anăn anak mnuih.

Klei mĭn phŭn mă mnuih ƀuôn sang jing phŭn, anak mnuih jing mta kñăm leh anăn boh kdrŭt mơ̆ng grăp hdră êlan. Dhar bruă dhar kreh, yang ƀuôn mâo bruă klam phŭn klă anăp djŏ tuôm hŏng klei hdĭp mnuih ƀuôn sang mơ̆ng mmông kkiêng truh kơ djiê. Čiăng bi leh bruă klam, dhar bruă bi mguôp, lŏ čuê klei hriăm, mta kñăm knhal tuč jing mkŏ mjing Bruă Kbĭn ala êngiê, thơ̆ng kơ bruă, hdră bhiăn, mrâo mrang leh anăn klă sĭt kyua mnuih ƀuôn sang, amâo mâo lui sa mta hdră êlan kơ mđĭ kyar anak mnuih.