Tlam 7/4, ti Klei bi kƀĭn tal sa, Khua lăn čar hưn mdah anăn mgơ̆ng čiăng kơ Bruă kƀĭn ala ruah Khua knŭk kna wưng 2026-2031. Leh bi trông, bi mklă anăn, Bruă kƀĭn ala ruah Khua knŭk kna hŏng klei mplĕ hră hgăm. Boh tŭ, Lê Minh Hưng - Khua hlăm Phŭn bruă kđi čar, Khua hlăm bruă Đảng gưl dlông Khua Êpul bruă mkŏ mjing gưl dlông, pô bi ala Bruă kƀĭn ala gưl XVI mâo Bruă kƀĭn ala ruah ngă Khua knŭk kna wưng 2026-2031. Hdră mtrŭn kơ bruă ruah ngă Khua knŭk kna hŏng Lê Minh Hưng ăt mâo leh Bruă kƀĭn ala bi mklă 495/495 čô bi ala bi klă tŭ ư (jing 100% čô bi ala mâo ƀô̆ mta, mâo 99% ênoh phung bi ala Bruă kƀĭn ala.

Khua knŭk kna mrâo Lê Minh Hưng kkiêng thŭn 1970; Ƀuôn sang: să Tứ Mỹ, čar Hà Tĩnh; Hnơ̆ng hriăm klei hlak mblang kđi čar: Gưl dlông; Hnơ̆ng bruă hriăm thơ̆ng: Nai prŏng Hdră êlan knŭk kna; Sang hră gưl prŏng thơ̆ng kơ Hdră êlan knŭk kna, hriăm gưl prŏng klei Prăng.