Aguah anei (7/4), ti anôk bi kƀĭn tal 1, Bruă kƀĭn ala gưl 16, lŏ dơ̆ng ngă bruă ruah phung khua kiă kriê lăn čar.  Khua gĭt gai Đảng Tô Lâm mâo phung bi ala ruah  păn ngă khua Lăn čar yang ƀuôn ngă phŭn Việt Nam wưng păn bruă 2026-2031. Bi mklă ruah khua lăn čar, mâo phung bi ala bruă kƀĭn ala ruah leh 495/495 phung bi ala bruă kƀĭn ala nao kƀĭn tŭ ư. Leh mâo bruă kƀĭn ala ruah, Khua gĭt gai Đảng, Khua lăn čar Tô Lâm ngă klei đĭ păn bruă: “Ti gŭ hla čhiăm gru hrah mtŭ kñĭ mơ̆ng lăn čar, ti anăp bruă kƀĭn ala, mnuih ƀuôn sang hlăm kluôm ala, kâo  Khua lăn čar yang ƀuôn ngă phŭn Việt Nam mâo klei ƀuăn: Kut kat sĭt suôr hŏng lăn čar, hŏng mnuih ƀuôn sang, hŏng hdră bhiăn lăn čar yang ƀuôn ngă phŭn Việt Nam, ktưn jih ai tiê, bi leh jăk bruă čuăn mâo Đảng, Knŭk kna lehanăn mnuih ƀuôn sang jao leh"

Blŭ hrăm leh klei đĭ păn bruă, Khua gĭt gai Đảng, khua lăn čar Tô Lâm bi êdah klei lač jăk kơ mnuih ƀuôn sang kluôm ala hŏng ai tiê bruă klam, klei êpa mhao rŭ mdơ̆ng lăn čar, lehanăn klei đăo knang sĭt êmĭt kơ Đảng Cộng sản Việt Nam mjing leh klei ruah khua phung bi ala bruă kƀĭn ala gưl 16, lehanăn phung bi ala Êpul gơ̆ng bruă ƀuôn sang dŭm gưl wưng păn bruă 2026-2031 bŏ hŏng klei tŭ jing./.