Blŭ hrăm ti knăm mphŭn pŏk Klei bi kƀĭn tal sa, Anôk bruă kƀĭn ala gưl XVI, Khua gĭt gai Đảng Tô Lâm mñă, anei jing klei bi kƀĭn bi mklă ênŭm anôk bruă knŭk kna hluê Hdră bhiăn phŭn; mbĭt anăn jing Klei bi kƀĭn čiăng hluê ngă bi sĭt Hdră mtrŭn Klei kƀĭn phung bi ala kluôm ala čar tal XIV mơ̆ng Đảng, mjing tur knơ̆ng djŏ hdră bhiăn lehanăn boh kdrŭt čiăng kơ ala čar mŭt hlăm wưng đĭ kyar mrâo, mtă kơ grăp čô bi ala Anôk bruă kƀĭn ala gưl 16 brei thâo săng klă pô amâo djŏ knŏng bi ala kơ êpul ruah khua, amâo djŏ knŏng djă ba pŏk hră đăo knang mơ̆ng mnuih ƀuôn sang ƀiădah lŏ mâo klei đua klam hŏng bruă phŭn mơ̆ng ala čar, hŏng klei đăo knang mơ̆ng mnuih ƀuôn sang, hŏng êdei anăp mơ̆ng ênuk gưl êdei.

Hluê hŏng ai tiê anei, Khua gĭt gai Đảng mtă, Anôk bruă kƀĭn ala gưl XVI mđing hluê ngă jăk 4 bruă klam prŏng, hlăm anăn brei mđing kơ bruă pŏk hluê ngă bi sĭt hdră mtrŭn mơ̆ng Đảng jing hdră mtrŭn, jing klei bhiăn, mjing tur knơ̆ng kjăp čiăng hluê ngă tŭ dưn dŭm bruă klam mđĭ kyar hdră duh mkra – ala ƀuôn wưng thŭn 2026 – 2031 lehanăn dŭm thŭn ti anăp. Sa blư̆ dơ̆ng mñă, hŏng knhuah gru 80 thŭn kdrưh kơăm mơ̆ng Anôk bruă kƀĭn ala Việt Nam; ti gŭ klei gĭt gai thâo, knhâo mơ̆ng Đảng; klei sa ai mơ̆ng mnuih ƀuôn sang, klei bi hgŭm kjăp mơ̆ng Knŭk kna lehanăn anôk bruă kđi čar; Khua gĭt gai Đảng đăo knang, Anôk bruă kƀĭn ala gưl XVI klă sĭt srăng bi leh tŭ kdlưn bruă mâo Đảng, Knŭk kna lehanăn mnuih ƀuôn sang jao, đru mguôp mbĭt hŏng kluôm Đảng, jih jang mnuih ƀuôn sang, lĭng kahan hluê ngă klei čang hmăng mkŏ mkra sa ala čar Việt Nam êđăp ênang, hnŭk êngiê, ngă phŭn mil pô, sah mdrŏng, đĭ kyar, kreh knhâo, yâo mơak, hơĭt kjăp ti ktuê êlan yang ƀuôn ngă phŭn./.