Kah mbha klei khăp hŏng mnuih ƀuôn sang čar Sê Kông, Lào ƀri wưng knăm Bunpimay
Thứ hai, 10:18, 06/04/2026
Pô mblang: Y -Ƀel Êban
Pô mblang: Y -Ƀel Êban
VOV.Êđê – Ƀri wưng knăm mơak knhuah gru Bunpimay thŭn 2026 mơ̆ng mnuih Lào, hruê mbruê 5/4, Êpul ngă bruă mơ̆ng knơ̆ng gĭt gai lĭng kahan ƀuôn prŏng Đà Nẵng nao čuă, mđup brei mnơ̆ng, mkă dlăng klei ruă leh anăn mbha êa drao amâo mâo mă prăk kơ mnuih ƀuôn sang kdriêk Đăk Chưng, čar Sêkông, Lào.
Hlăm ai êwa klei bi hgŭm jăk siam Việt Nam - Lào, êpul ngă bruă mđup brei giăm 400 hnư mnơ̆ng kơ dŭm gŏ sang hlăm 6 ƀuôn ti kdriêk Đăk Chưng.
Dŭm hnư mnơ̆ng điêt ƀiă bŏ hŏng klei khăp, klei kah mbha leh anăn bruă klam mơ̆ng knuă druh, lĭng kahan ƀuôn prŏng Đà Nẵng hŏng mnuih ƀuôn sang krĭng knông lăn ala čar găl ƀri wưng drông thŭn mrâo Bunpimay. Phung nai mdrao hlăm êpul mkŏ mjing klei mkă dlăng, mbha êa drao kơ êbeh 450 gưl čô mnuih ƀuôn sang. Bruă anei amâo djŏ knŏng mâo boh tŭ dưn ƀiădah lŏ đru ksul mbŭ klei mjĕ giăm siă suôr plah wah mnuih ƀuôn sang dua ala čar Việt Nam - Lào, hlăm anăn mâo plah wah ƀuôn prŏng Đà Nẵng hŏng čar Sêkông.
Viết bình luận