Leh bi mŭt mbĭt, čar Lâm Đồng dôk ksiêm dlăng hdră čuăl mkă wĭt dŭm wăl tuh tia mkra mjing, mđing kơ bruă lui hdră čuăl mkă 6 wăl tuh tia mkra mjing, 14 wăl tuh tia mkra mjing mâo hlăm hdră čuăl mkă điêt, dleh duh bi liê srăng tă hdră êlan mđĭ kyar êdei kơ thŭn 2030.

Mbĭt anăn, thiăm mbŏ mrâo 15 wăl tuh tia mkra mjing hlăm hdră čuăl mkă wưng thŭn 2026- 2030. Snăn, hlăm wưng thŭn 2026- 2030, čar Lâm Đồng čuăl mkă 62 wăl tuh tia mkra mjing, hŏng êbeh 2.300 ha. Cao Thị Thanh, kơiăng khua knơ̆ng bruă tuh tia mnia mblei čar Lâm Đồng brei thâo, klei mĭn jing bi mlih hdră čuăl mkă ti krĭng dleh jak iêu klei duh bi liê nao kơ krĭng jăk găl čiăng ieue jak klei duh bi liê. Kyua anăn, tă hdră mkra mlih bruă mđĭ kyar wăl tuh tia mkra mjing ti čar Lâm Đồng srăng mđing kơ dŭm krĭng ksĭ, hlăm čar Bình Thuận hđăp..