Tlam mbruê 1/4, ti sang Bruă Kbĭn ala, Khua Bruă Kbĭn ala Trần Thanh Mẫn gĭt gai leh klei kƀĭn tal 56 mơ̆ng dhar Bruă Kbĭn ala.Blŭ hrăm hlăm klei kƀĭn, Khua Bruă Kbĭn ala Trần Thanh Mẫn mñă ktang, sa mta phŭn yuôm bhăn jing brei klei blŭ mguôp bruă mprăp hưn mdah mnuih mă bruă hưn hŏng Bruă Kbĭn ala hlăm klei kƀĭn tal 1, Bruă Kbĭn ala gưl 16.

Mñă brei kơ bruă anei dưi mprăp klă nik, mâo klei răng, djŏ hdră bhiăn, klei čuăn. Khua Bruă Kbĭn ala Trần Thanh Mẫn brei thâo, dhar Bruă Kbĭn ala srăng brei klei blŭ mguôp kơ lu mta phŭn yuôm bhăn, hlăm anăn mâo hdră bhiăn mkra mlih, bi mbŏ dŭm mta mơ̆ng Hdră bhiăn hră ênua yang ƀuôn. Dhar Bruă Kbĭn ala brei klei blŭ mguôp knhal tuč kơ bruă mprăp kơ klei kƀĭn tal 1, Bruă Kbĭn ala gưl 16 mbĭt hŏng dŭm klei găl rơ̆ng kơ Bruă Kbĭn ala hlăm wưng kơ anăp, mơ̆ng kdrăơ yua truh kơ hdră êlan djŏ tuôm. Mbĭt anăn, klei kƀĭn srăng brei klei blŭ mguôp kơ klei hưn mdah boh tŭ dưn hdră êlan ktuê dlăng thŭn 2027 čiăng hưn mdah hŏng Bruă Kbĭn ala.